குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Page 12 of 12 Previous  1, 2, 3 ... 10, 11, 12

Go down

Re: குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Post  app_engine on Wed Jul 11, 2018 11:46 pm

#1218
துஞ்சுங்கால் தோள்மேலர் ஆகி விழிக்குங்கால்
நெஞ்சத்தர் ஆவர் விரைந்து


கவிநயம் மிக்க அழகுப்பாடல்.

அதாவது, புலம்புவதையும் மகிழ்ச்சியோடும் நம்பிக்கையோடும் நடத்துவது - தன்னைத்தானே ஏமாற்றிக்கொண்டு தான் என்றாலும், அழகாகச் செய்வது Smile

அப்படி என்ன சொல்கிறாள்?

"உறங்கும்போது அவர் என் தோள் மீது பிணைந்து கிடக்கிறார் - ஆனால், நான் விழித்தவுடன் விரைவாக என் நெஞ்சில் புகுந்து கொள்கிறார்" என்று மகிழ்கிறாள். அதாவது, காதலர் கனவில் மட்டும் தான் இருக்கிறார் - நேரில் இல்லை என்ற கசப்பான உண்மையை அவ்வளவு நேர்மறையாகவும் சுவையாகவும் சொல்லுகிறாள்.

துஞ்சுங்கால் தோள்மேலர் ஆகி
தூங்கும் பொழுது என்னுடைய தோள் மேல் கட்டி அணைத்துக்கொண்டு இருப்பார்

விழிக்குங்கால்
நான் உறக்கத்திலிருந்து விழிக்கையில்
(அதாவது, கண்டு கொண்டிருந்த கனவு முடிவுக்கு வரும் போது)

நெஞ்சத்தர் ஆவர் விரைந்து
விரைவாக என் (தோளிலிருந்து மாறி) நெஞ்சின் உள்ளே உள்ளவர் ஆகி விடுவார்
(சற்றும் தாமதியாமல் என் மனசுக்குள் புகுந்து ஒளிந்து கொள்வார்)

நனவில் அவர் இல்லை என்றும், காணாமல் போகிறார் என்றும் எதிர்மறையாகச் சொல்லும் குறள்களையும் படித்தோம் என்றாலும் இதிலுள்ள நேர்மறைத்தன்மையில் "புதைந்திருக்கும் துயரம்" கூடுதல் தாக்கம் தருகிறது Sad

"அவர் வேறெங்கும் போய் விடவில்லை, என் நெஞ்சில் வைத்துப்பாதுகாக்கிறேன்" என்று சொல்வதை நம்மால் அவ்வளவு எளிதாகக் கடக்க முடியவில்லை.

துயரத்தை மறைத்து அவள் வெளியில் காட்டிக்கொள்ளும் (பொய்யான) மகிழ்ச்சி நமது மனதை என்னவோ செய்கிறது, கசக்கிப் பிழிகிறது!

app_engine

Posts : 8329
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Post  app_engine on Thu Jul 12, 2018 6:29 pm

#1219
நனவினால் நல்காரை நோவர் கனவினால் 
காதலர்க் காணாதவர்

கனவு நிலையை மெச்சுதல் இங்கே உச்சத்தை அடைகிறது. அதாவது, "கனவு இருக்கையில் நனவு தேவையில்லை" என்றே சொல்லும் அளவுக்கு Smile

அதையும், "எனக்கு நனவு வேண்டும்" என்று சொல்வோரை ஏளனம் செய்து கொண்டு எழுதுவதன் வழியே வள்ளுவர் குறும்பு செய்கிறார். "கனவில் காதலரைக் காண முடியாதவர்கள் தான் அவர் நனவில் வந்து அன்பு செலுத்துவதில்லை என்றல்லாம் நொந்து கொள்வார்கள்" என்று வேடிக்கையாகச் சொல்கிறார்.

ஆக மொத்தம் கனவுக்குப் பாராட்டுக்கள் இந்தப்பாடலில்!

கனவினால் காதலர்க் காணாதவர்
கனவில் தமது காதலரைக் கண்டு இன்புறாதவர்கள் தான் 

நனவினால் நல்காரை நோவர்
(அவர்) நனவில் வந்து அன்பு காட்டவில்லையே என்று திட்டிக்கொண்டிருப்பார்கள் 
(அல்லது நொந்து கொள்வார்கள்)

பிரிவுத்துன்பத்தைப் பேரளவில் தாங்கிக்கொள்ள உதவும் கருவியாகவே தமிழர் பண்பாட்டில் "கனவு" கருதப்பட்டு வந்திருக்கிறது என்பதற்கு இந்தக்குறள் ஒரு சான்று. அண்மைக்காலம் வரையிலும் திரைப்படங்கள் இதையே காட்டிக்கொண்டு இருந்திருக்கின்றன (கனவுக்காட்சி) என்பது ஒன்று நீண்ட தொடர்ச்சி என்று புரிந்து கொள்ளலாம் Wink

app_engine

Posts : 8329
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Post  app_engine on Fri Jul 13, 2018 6:41 pm

#1220
நனவினால் நம்நீத்தார் என்பர் கனவினால்
காணார்கொல் இவ்வூரவர்


ஒருத்தர் கனவை மற்றவர்கள் எப்படி அம்மா பார்க்க முடியும்? இப்படி எல்லாம் புலம்பலாமா?
(திரைப்படக்கனவுகளின் கதை வேறு, அங்கே கோடிக்கணக்கானோர் மற்றவர் கனவுகளைக் கண்டு மகிழ முடியும்)

நேரடியான பொருளை முதலில் பார்ப்போம் :

நனவினால் நம்நீத்தார் என்பர்
நனவில் அவர் என்னைப்பிரிந்து விட்டார் என்று சொல்லித்திரிகிறார்களே

இவ்வூரவர் கனவினால் காணார்கொல்
இந்த ஊரார் கனவில் (என்னை அவர் எப்போதும் கூடுவதைக்) காண மாட்டார்களா?

கவிதையில் தருக்கம் எல்லாம் பார்க்கக்கூடாது என்பதே இதற்கு மறுமொழி Smile

பிரிவின் துயரம் என்பதே கொடிதானது. அதைக் கூடுதல் கடினமாக ஆக்குவது அதைப்பற்றி மற்றவர்கள் அலர் தூற்றுவது. அப்படிப்பட்ட ஒரு நிலையில் இருக்கும் பெண் என்ன செய்ய முடியும்? தன்னுடைய துன்பத்தைத் தணித்துக்கொள்ள இப்படியெல்லாம் பாட வேண்டியது தான்.

எப்போதும் அவர் நினைவாக இருப்பதால், கனவில் அவர் அன்றாடம் வருவதும் கூடுவதும் எல்லாம் நடக்கிறது. அவ்விதமான ஒரு கற்பனை வாழ்க்கை வழியே உயிர் வாழ்ந்து கொண்டிருக்கிறாள். அதை மற்றவர்களும் புரிந்து கொள்ள வேண்டும் என்று விரும்புகிறாள். ஊரார் புரிந்து கொள்ளாததைக் கண்டு எரிச்சல் அடைகிறாள்.

இவற்றையெல்லாம் நமக்கு முன் ஒரு காணொளி போல இந்தக்குறள் கொண்டு வருகிறது! சிறப்பு!

app_engine

Posts : 8329
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Post  app_engine on Mon Jul 16, 2018 8:50 pm

#1221
மாலையோ அல்லை மணந்தார் உயிருண்ணும்
வேலைநீ வாழி பொழுது

(காமத்துப்பால், கற்பியல், பொழுது கண்டிரங்கல் அதிகாரம்)

விரைவாக இந்த அதிகாரம் முழுவதும் எல்லாப்பொழுதுகளையும் பற்றிச்சொல்லப்போகிறதா என்று நோக்கியபொழுது, அப்படியெல்லாம் இல்லை - மாலைப்பொழுது மட்டுமே இங்கு இடம் பெறுகிறது என்று புரிந்து கொண்டேன் Smile

அது சரி தானே - காதலர் என்றாலே, நிலவு / மாலை - இப்படியெல்லாம் கூட்டணி அமைத்துத்தானே ஆக வேண்டும்?

என்றாலும், இங்கே "பொழுது கண்டு இரங்கல்" - அதாவது, மாலைப்பொழுது தரும் துயரம் / வலி குறித்துத்தான் இங்கு மிகுதியாகப் பேசப்படும் என்று இந்தத் தலைப்பிலேயே தெரிந்து விடுகிறது. (அதாவது, காதலன் பிரிந்து சென்று விட்டபின் காதலி மாலையில் படும் வருத்தங்கள் / புலம்பல்கள்)! சரி, படிக்கலாம்!

வாழி பொழுது மாலையோ அல்லை
பொழுதே நீ வாழ்க! (உண்மையிலேயே) நீ மாலைப்பொழுது தானா? இல்லையில்லை

மணந்தார் உயிருண்ணும் வேலை நீ
மணந்தவர்கள் உயிரைக் கொல்லும் வேல் (கொலைக்கருவி) தான் நீ!

இங்கே "மணந்தார்" என்று சொல்வதன் அடிப்படையில் கணவனைப்பிரிந்த நிலையில் இருக்கும் மனைவி என்று விளக்கும் உரைகள் உண்டு. போருக்கோ, தொழிலுக்காக நெடு நாள் தொலைவான இடத்துக்கோ சென்ற கணவன் அல்லது இறந்து போன கணவனை நினைத்துப் புலம்பும் பெண் என்றெல்லாம் எடுத்துக்கொள்ள இப்படிப்பட்ட விளக்கங்கள் முயலுகின்றன.

"மாலை" என்பது திருமணச்சடங்கில் பயன்படுத்தப்படுவது என்ற அடிப்படையில் இங்கே இருபொருளாகவும் எடுத்துக்கொண்டு, "நீ திருமண மாலை போன்று இனிமையான பொழுதல்ல, கொல்லும் கொடுமையான பொழுது" என்றும் நாம் கூட்டிச்சேர்க்க வழியுண்டு.

என்றாலும், மணத்தல் என்பது கூடுதல், கலத்தல், கலவி என்று மட்டுமே வேண்டுமானாலும் எடுத்துக்கொள்ள முடியும் என்று அகராதி காட்டுகிறது. அதனால், சில உரைகள் (முக, முவ) வெறுமென மகளிர் என்று இதற்குப் பொழிப்புரை எழுதுகின்றன.

ஆக மொத்தம், இங்கே "மணந்தார்" என்பது, முன்பு உறவில் இருந்து தற்போது பிரிந்து வாடும் பெண்டிர் என்று நமக்குச் சொல்லுகிறது.

காதலன் / கணவன் உடனில்லாத நிலையில் மாலைப்பொழுது தனிமை / வெறுமை உணர்வைக்கூட்டி அழ வைக்கிறது என்று ஆக மொத்தப்பொருள்.

ஏனென்றால், உடனிருந்த காலங்களில் - அவனது வேலை முடிந்து இருவரும் காதலோடு சந்திக்கும் - அதே மாலைப்பொழுதுகள் எவ்வளவு இனிமையாக இருந்திருக்கும்! இப்போது அதற்கு நேரெதிர் நிலைமை!

app_engine

Posts : 8329
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Post  app_engine Yesterday at 9:23 pm

#1222
புன்கண்ணை வாழி மருள்மாலை எம்கேள்போல்
வன்கண்ணதோ நின் துணை


ஆழ்ந்த மனஉளைச்சலில் இருப்போருக்கு உலகில் உள்ள எல்லோருமே துன்பத்தில் ஆழ்ந்திருப்பதாகத் தோன்ற வழியுண்டு. அப்படி ஒரு வேளை இந்தப்பாடலில் பெண் உள்ளதாக எடுத்துக்கொள்ளலாம்.

இன்னொரு விதத்தில் பார்த்தால், துன்பத்தில் உள்ளோர் அதே போன்ற நிலையில் உள்ளோரைக் கூட்டுச்சேர்க்க முயலுவதுண்டு. ("நீயும் நானும் ஒரே துன்பத்தில்" என்று ஒருவரை ஒருவர் பார்த்து ஆறுதல் அடைய முயலுதல்).

இவையெல்லாம் இல்லாமல் வெறுமென கவித்துவமாகவும் இருக்கலாம் - "மருளும் மாலையே உனக்கு என்ன துன்பம்" என்று கேட்பது கவிதைக்கு அழகு தானே? உண்மையில் மாலை மயங்குவது / மருளுவது எல்லாம் கிடையாது, அதைப்பார்த்து நாம் தான் மயங்கிப்போகிறோம்.

மற்றபடி, மாலைப்பொழுதின் வரையறையே "கதிரவன் மங்கும் நேரம்" என்பதாகும்! அது அன்றாடப்பழக்கமே ஒழியத் துன்பத்தின் விளைவொன்றும் இல்லை என்று எல்லோரும் அறிவர் Smile

புன்கண்ணை வாழி மருள்மாலை
மாலைப்பொழுதே, (நீ ஏன்) துன்பத்தால் மயங்கி வாழ்கிறாய்?

நின் துணை எம்கேள்போல் வன்கண்ணதோ
உன் துணையும் என் காதலர் போல் கொடியவர் (அருளற்றவர்) தானோ?

மனஅழுத்தத்தின் இன்னொரு வெளிப்பாடு மனிதர் அல்லாதவையிடம் பேசத்தொடங்குதல். அப்படியும் எடுத்துக்கொள்ளலாம் Wink

app_engine

Posts : 8329
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1222 புன்கண்ணை வாழி மருள்மாலை (பொழுது கண்டிரங்கல்)

Post  Sponsored content


Sponsored content


Back to top Go down

Page 12 of 12 Previous  1, 2, 3 ... 10, 11, 12

Back to top


 
Permissions in this forum:
You cannot reply to topics in this forum