குறள் இன்பம் - #1196 ஒருதலையான் இன்னாது காமம் (தனிப்படர் மிகுதி)

Page 11 of 11 Previous  1, 2, 3 ... 9, 10, 11

Go down

Re: குறள் இன்பம் - #1196 ஒருதலையான் இன்னாது காமம் (தனிப்படர் மிகுதி)

Post  app_engine on Wed May 16, 2018 5:36 pm

#1194
வீழப்படுவார் கெழீஇயிலர் தாம்வீழ்வார்
வீழப்படாஅர் எனின்


"கெழீஇய" என்ற சொல்லைக்கண்டவுடன் உடனே நினைவுக்கு வருவது "கொங்குதேர் வாழ்க்கை அஞ்சிறைத்தும்பி" என்ற பாடல், இல்லையா? (அதாவது, திருவிளையாடல் திரைப்படம் / தருமி போன்றவை Laughing )

அப்படி நினைவுக்கு வரவில்லை என்றால் நீங்கள் தமிழுலக வாழ்வில் குறிப்பிடத்தக்க ஒன்றை இதுவரை பெறவில்லை (அல்லது இழந்திருக்கிறீர்கள்) என்று பொருள். Laughing

உடனடியாக கூகிள் செய்து தெரிந்து கொள்ளவும் Wink

மற்றபடி, இந்தக்குறளிலும் இதுவரை இந்த அதிகாரத்தில் மீண்டும் மீண்டும் சொல்லப்படும் "நாம் விரும்பியவர் நம்மை விரும்பாவிட்டால் வாழ்ந்தென்ன பயன்" என்ற அதே புலம்பல் தான்.

வீழப்படுவார்
உலகில் பலராலும் விரும்பப்படுபவர் (என்றாலும்)

தாம்வீழ்வார் வீழப்படாஅர் எனின்
தாம் யாரை விரும்புகிறோமோ அவரால் விரும்பப்படவில்லை என்றால்
(எனக்குப் பிடித்த என் காதலர் என்னை வெறுத்துப் பிரிந்து விட்டால் என்றால்)

கெழீஇயிலர்
நட்பே இல்லாத நிலையில் உள்ளவரே

அதாவது, ஒருத்திக்கு ஆயிரம் தோழியர் / தோழர் இருந்தாலும் - அவர்களெல்லாம் அவளை விரும்பிக் கொஞ்சினாலும் - அவள் விரும்பும் காதலன் ஒருவன் மட்டும் வெறுத்துப் பிரிந்து விட்டால், மற்ற எல்லோரின் நட்பும் கொண்டு ஒரு நன்மையும் அடைய மாட்டாள். (துன்பமே வடிவாகத் துவண்டு விடுவாள் என்று பொருள்).

app_engine

Posts : 8151
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1196 ஒருதலையான் இன்னாது காமம் (தனிப்படர் மிகுதி)

Post  app_engine on Thu May 17, 2018 8:23 pm

#1195
நாம்காதல் கொண்டார் நமக்கெவன் செய்பவோ
தாம்காதல் கொள்ளாக் கடை


நாம்-தாம் என்று எதுகையும் சொற்சிலம்பமும் கொண்டுள்ள எளிய குறள்.

இந்த அதிகாரம் முழுவதும் பொதிந்து நிற்கும் கருத்தை அடிக்கடி திரைப்படங்களில் கேட்க நேர்ந்திருக்கலாம் ("நாம விரும்புறவங்கள விட நம்மள விரும்புறவங்களத்தான் காதலிக்கணும்" போன்ற அறிவுரைகளை நகைச்சுவை நடிகர் / நடிகை அவ்வப்போது உதிர்ப்பது வழக்கம் தானே?)

நாம்காதல் கொண்டார்
நாம் விரும்பும் காதலர்

தாம்காதல் கொள்ளாக் கடை
தாம் காதல் கொள்ளாத நிலையில்
(அவர் நம்மை விரும்பாவிட்டால்)

நமக்கெவன் செய்பவோ
நமக்கு என்ன (நன்மை) செய்யப்போகிறார்
(அதாவது, அவர் நமக்கு நல்லது ஒன்றும் செய்யப்போவதில்லை / ஒருதலையாக நாம் மட்டும் விரும்பிப்பயன் இல்லை)

நேரடியான, தெளிவான கருத்துத்தான். என்றாலும், "தனிப்படர் மிகுதி" என்னும் அதிகாரத்தின் பகுதியாக இது வருவதால் அப்படியே எடுத்துக்கொள்ளக்கூடாது.

இங்கே ஒரு காதல் தோல்வி / பிரிவு நடந்து முடிந்திருக்கிறது. அந்தத் துன்பத்தில் பெண் பேசுகிறாள். இந்தச்சூழலை மனதில் கொண்டு பார்த்தோமென்றால் இது வெறும் கருத்தோ அறிவுரையோ மட்டுமல்ல - மனம் நொந்து புலம்புதல்.

அதாவது, இவளுக்கு இன்னும் அவன் மீது காதல் இருக்கிறது - ஆனால் அவனோ விருப்பமின்றிப் பிரிந்து சென்று விட்டான். அந்தச்சூழலில் நொந்து (பசலை எல்லாம் பிடித்து) பெரும் துயரத்தில் உள்ளவளது அழுகுரல் இது!


app_engine

Posts : 8151
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1196 ஒருதலையான் இன்னாது காமம் (தனிப்படர் மிகுதி)

Post  app_engine on Fri May 18, 2018 8:46 pm

#1196
ஒருதலையான் இன்னாது காமம் காப்போல
இருதலையானும் இனிது


எல்லா உரையாசிரியர்களும் சொல்வது போல இந்தக்குறள் பெண்குரலில் மட்டும் ஒலிப்பதில்லை. அவ்விதத்தில், நிறையக்குறள்களுக்குப்பின் இருபாலாருக்கும் பொதுவான ஒரு பாடல்.

எளிமையான ஒரு உவமையுடன், இருதலைக்காதல் தான் நல்லது, ஒரு தலைக்காதல் துன்பம் மட்டுமே தரும் என்று சொல்லும் இயல்பான செய்யுள்.

காவடி தான் இங்கே உவமை. அதன் இருபுறமும் ஒரே அளவில் பளு இருந்தால் தான் இன்பம். ஒரு பக்கம் எடை கூடிப்போனால் துன்பம்.

காதலும், இருதலையாக இருந்தால் இன்பம் - இல்லாவிடில், துன்பத்தின் எடை ஒரு பக்கத்தில் கூடிப்போகும் என்கிறார் வள்ளுவர்.

காமம் காப்போல
காதல் என்பது (இருபுறமும் ஒரே அளவு எடை உள்ள) காவடி போல

ஒருதலையான் இன்னாது இருதலையானும் இனிது
ஒரு தலையாக இருந்தால் துன்பம் தரும், இரு புறமும் இருந்தால் தான் இன்பம்

ஒருவர் மட்டும் விரும்பி மற்றவர் தள்ளி விட்டால், பேசாமல் மறந்து விட்டு வேறு வாழ்க்கை வழி தேடுவதே அறிவு.

அதை விட்டு விட்டு, "எப்படியும் சாதிப்பேன்" என்று திரிந்தால் துன்பம் இருவருக்கும். இப்படிப்பட்ட ஒருதலைக்காதல்கள் எவ்வளவு இன்னல்களை உண்டாக்குகின்றன! கொலை செய்யும் அளவுக்கு அல்லது அமிலம் வீசும் கொடுமைக்கு எல்லாம் சிலர் செல்லும் நிகழ்வுகள் அவர்களுக்கு மட்டுமல்ல, எல்லோருக்குமே துன்பம் தருவன தான்!

app_engine

Posts : 8151
Reputation : 22
Join date : 2012-10-23
Location : MI

View user profile

Back to top Go down

Re: குறள் இன்பம் - #1196 ஒருதலையான் இன்னாது காமம் (தனிப்படர் மிகுதி)

Post  Sponsored content


Sponsored content


Back to top Go down

Page 11 of 11 Previous  1, 2, 3 ... 9, 10, 11

Back to top


 
Permissions in this forum:
You cannot reply to topics in this forum